சிந்தனைக்கு சில வரிகள்

சிந்தனைக்கு சில வரிகள்

அனைத்தையும் அவனிடம் விட்டுவிடு

உன் உள்ளிருக்கும் அவன் ஆணைப்படி செயல்படு

உள்ளிருந்து உன்னை இயக்குபவன் அவனன்றோ

எல்லாம் உன்னால்தான் என நீ நினைப்பது தவறன்றோ

அன்போடு அனைவரின் நலம் நாடு

அதுவே அவனுக்கு நீ செய்யும் வழிபாடு

கண்ணால் காண்பதனைத்தும் அவன் வடிவே

உன் கண்ணுள் காணும் ஒளியாய் இருப்பதும் அவன் அருளே

ஒன்றை ஆக்குவதும் அழிப்பதும் அவன் லீலை

அது ஏன் என்று நீ ஆராய்வது வீண் வேலை

சாத்திரங்கள் எல்லாம் அவன் புகழ் பாடும்

நீ அவனை தோத்திரம் செய்தால் அருள் கூடும்

என்றும் நல்லோரின் கூட்டுறவை நாடிடுவாய்

தீயோரின் கூட்டுறவை விட்டு ஓடிடுவாய்

பசித்தோர்க்கு உணவிட்டால் அவன் மகிழ்ந்திடுவான்

உன்னை பாசத்தோடு பக்கத்தில் நின்று காத்திடுவான்

அரிதாய் கிடைத்த மனித பிறவியை

அவனை அறிய முற்படாது போனால்

மீண்டும் மீண்டும் பிறபிறப்பு சுழலில் சிக்கி

மாளா துன்பத்தில் உழல நேரிடும்

என உணர்ந்திடுவாய்

கடமையை தவறாது காலத்தில் செய்திடுவாய்

கணநேரமும் கடவுளை மறவாமல் வாழ்ந்திடுவாய்

காலமெல்லாம் கவலையற்று வாழ

அவன் அருள் செய்திடுவான்